کافی عرصے بعد مفید ویب سائٹس کے زمرے میں پوسٹ کر رہا ہوں۔ اس بار بچوں کے لئے دو مفید ویب سائٹس حاضر

خدمت ہیں۔ اُمید ہے پسند آئیں گی!

ملٹی میڈیا انو ویٹو سوسائٹی

بچوں کے لئے اردو میں ایک مفید ویب سائٹ جس میں روزانہ ایک نئی کہانی، نظم اور لطیفے کا اضافہ کیا جاتا ہے۔ (ویب سائٹ بنانے والوں کے مطابق)۔  ظاہری شکل و صورت میں خوبصورتی نہ ہونے کے باوجود اچھی بات یہ ہے کہ یہ تحریری اردو میں ہے۔ ایک آڈیو سیکشن بھی موجود ہے جس میں چند آڈیو کہانیاں بھی موجود ہیں۔ ایک زمرہ ’’علمیت‘‘ کے نام سے بھی موجود ہے ، جس میں مختلف عنوان پر مضامین موجود ہیں۔ بچوں کی کتابیں، سی ڈیز اور آڈیو کیسٹس بھی خریدی جا سکتی ہیں۔ جس میں بچوں کے مشہور مصنف ’’اشتیاق احمد‘‘ کی کتابیں بھی موجود ہیں۔

 ویب سائٹ ملاحظہ فرمائیں

  انٹرنیشنل چلڈرن ڈیجیٹل لائبریری

انٹرنیشنل چلڈرن ڈیجیٹل لائبریری، نام سے ہی ظاہر ہے کہ بچوں سے متعلق ویب سائٹ ہے۔ جس میں دنیا بھر کے بچوں کے لئے انگریزی کے ساتھ عربی، فارسی، عبرانی، جرمن، اٹالین، چینی، فرنچ، روسی وغیرہ میں کتب کا ذخیرہ موجود ہے۔ اس سائٹ پر بچوں کی عمر اور پسند کی مناسبت سے کتب کو ترتیب دیا گیا ہے۔ مثال کے طور پر لوگوں کی کہانیاں، جنگل کی کہانیاں، پریوں کی کہانیاں، تصویری کہانیاں وغیرہ۔ یہ تمام کتابیں مفت دستیاب ہیں۔

  ویب سائٹ ملاحظہ فرمائیں

آج میں چار انتہائی زبردست اور مفید ویب سائٹس کے ساتھ حاضر ہوا ہوں۔ان کا مختصر تعارف اور اسکرین شاٹس پیش کر رہا ہوں۔جب بھی فرصت ملے ان کا ضرور وِزٹ کیجئے گا!

١۔اسلامک پورٹل:
اس ویب پورٹل کے ذریعے آپ بے شمار اسلامی اور دینی موضوعات پر مختلف مضامین کا مطالعہ کر سکتے ہیں۔ویب پورٹل میں قرآن پاک کی تفسیر،مختلف موضوعات پر احادیثِ مبارکہ ، قرآن پاک کے مختلف پہلوؤں پر مضامین،سنّتِ نبوی پر مضامین اور کئی مفید اور اصلاحی مضامین شامل ہیں۔ اگر آپ چاہیں تو ویب پورٹل کے Yahoo Group میں بھی شامل ہو سکتے ہیں ۔بلا شبہ یہ اسلامی موضوعات پر انتہائی مفید اور اصلاحی ویب پورٹل ہے۔

۔پاکستانی کرنسی نوٹ:
کیا آپ یہ دیکھنا چاہتے ہیں کہ 1953میں پاکستان کا دس روپے کی کرنسی کا نوٹ کیسا تھا؟۔ ۔ ۔ اسی طرح 1978میں ایک روپے کا کرنسی نوٹ کیسا ہوا کرتا تھا؟۔ ۔ ۔ تو پھر دیر کس بات کی؟ Bank Notes.comپر جائیں اور پچھلے زمانے کے پاکستان کے کرنسی نوٹوں کا دیدار کریں۔دیگر ممالک کے کرنسی نوٹس بھی دستیاب ہیں۔

٣۔دلچسپ فلیش گیمز:
آپ نے یقینا کئی فلیش گیمز کی ویب سائٹس دیکھی ہونگی ۔مگر آج جو میں آپ کو ویب سائٹ بتانے جا رہا ہوں ، وہ ان ساری نام نہاد ’’فری فلیش گیمز‘‘ سے کہیں بہتر اور دلچسپ ہے۔اس ویب سائٹ کا لوڈنگ ٹائم بھی کم ہے اور یہ اشتہاروں اور رجسٹریشن کی جھنجھٹ سے بھی پاک ہے۔ویب سائٹ ہلکے رنگوں کی مگر خوبصورت ڈیزائن کی ہوئی ہے۔گیمز بھی ناصرف دلچسپ بلکہ مزیدار ہیں۔جن میں مجھے رسی کشی کا مقابلہ،چاندنی رات،گوالا بنیں وغیرہ پسند آئے۔ یہ نام تو میں نے اردو میں لکھے ہیں۔ویب سائٹ تو انگریزی میں ہے۔مگر انتہائی دلچسپ اور مزاحیہ!۔ ۔ ۔ ضرور وِزٹ کریں!

٤۔انوکھاسرچ انجن:
کیاآپ Google,Altavista,Yahoo,Askjeevesوغیرہ میں سرچنگ کر کر کے بور ہوگئے ہیں؟۔ ۔ ۔ کیا آپ تبدیلی یا کچھ نیا اور انوکھا چاہتے ہیں؟۔ ۔ ۔ تو پھر آپ ’’کرٹو‘‘نامی سرچ انجن کو آزمائیں۔کرٹو ایک ’’الہٰ دین کے چراغ والا جن‘‘ جیسا کیریکٹر ہے۔جو اس سرچ انجن میں سرچنگ کے دوران آپ کی مدد کرے گا۔یہ ایک فلیش بیسڈ سرچ انجن ہے جو آپ کے سرچ رزلٹس کو تصاویر اور فلو چارٹ کے ذریعے پیش کرے گا۔مختلف فائلز کو مختلف آئی کونز کے ذریعے دکھائے گا۔ یہاں تک کے ان کا مختصر تعارف بھی پیش کرے گا۔ پہلی بار استعمال کرنے پر شاید آپ کو یہ کچھ عجیب سا اور نیا نیا لگے مگر جوں جوں آپ اسے استعمال کرتے جائیں گے یہ آپ کو آسان بلکہ انوکھا محسوس ہونے لگے گا۔سرچنگ کا ایسا تجربہ آپ نے پہلے کبھی محسوس نہیںکیا ہوگا۔