اردو محفل میں م۔م۔مغل صاحب نے ’’بش کو  جوتے لگائیں‘‘ گیم پوسٹ کیا اور بعد ازاں فرمائش کی کہ اس گیم کو اردو میں بنایا جائے۔ چنانچہ گیم کا ’’اردو ورژن‘‘ پیش خدمت ہے۔ اردو ورژن میں گیم کا دورانیہ بڑھا کر 2 منٹ کر دیا ہے تاکہ ’’جی بھر‘‘ کر بش کو جوتے مارے جا سکیں۔ اس کے علاوہ چند معمولی ’’صوتی تبدیلیاں‘‘ بھی کی ہیں۔

تو پھر دیر کس بات کی ہے؟۔۔۔۔۔۔۔شروع ہو جائیے!

اس گیم کو آف لائن کھیلنے کے لئے ڈاؤن لوڈ کریں!

ایک اور گیم حاضر ِ خدمت ہے۔ ہے تو پرانا ہی مگر ابھی تک شوبی میگزین پر صرف ڈاؤن لوڈنگ کے لئے دستیاب تھا۔ اب اسے آن لائن کھیلنے کے لئے پیش کیے دے رہا ہوں۔

یہ گیم بھی پرانا ہی ہے۔ مارم پیٹی تو بچپن میں آپ نے کھیلا ہی ہوگا۔ اب ’’پچپن‘‘ میں ہیں تو کیا ہوا۔ یہ گیم کھیلیں، اور اپنے بچپن کی یادوں کو تازہ کریں۔  :lol:

یہ بھی ایک پرانا گیم ہے جسے آپ میں سے کچھ لوگ کھیل چکے ہونگے تاہم جو نہیں کھیل سکیں ہیں وہ اس موقع سے فائدہ اُٹھائیں اور اس دلچسپ گیم سے لطف اندوز ہوں۔

یہ گیم نیا نہیں ہے۔ کافی عرصہ پہلے اردو محفل میں پوسٹ کر چکا ہوں۔ آج دوبارہ پوسٹ کرنے کا مقصد یہ ہے کہ جو لوگ ابھی تک یہ گیم نہیں کھیل سکے ہیں ، وہ اسے کھیل سکیں۔ تو پھر شروع ہوجائیے۔ آئندہ بھی وقتاََ فوقتاََ نئے اور پرانے گیمز پوسٹ کرتا رہوں گا۔ انشااللہ!

ٹام اور جیری (TOM & JERRY) کارٹون تو آپ نے یقینا دیکھا ہوگا۔ آج آپ اپنے پسندیدہ کارٹون کے کرداروں کی مدد سے یہ دلچسپ فلیش گیم گھیلیں۔ مجھے یقین ہے کہ آپ کو بہت مزا آئےگا!

نیا اضافہ

کہا جاتا ہے کہ رنگ کسی بھی انسان کی شخصیت کے عکاس ہوتے ہیں۔مندرجہ ذیل رنگوں میں سے اگر آپ کا بھی کوئی پسندیدہ رنگ ہے تو اس کے مندرجات کا مطالعہ کر کے اپنی شخصیت کے بارے کچھ دلچسپ باتیں جانیں!۔ ۔ ۔ بعد میں اپنی رائے سے بھی ضرور آگاہ کیجئے گا!اپنی رائے میں اپنے پسندیدہ رنگ کا ذکر کرنا مت بھولیے گا!۔ ۔ ۔ شکریا!۔ ۔ ۔ ارے ہاں!۔ ۔ ۔ میں اپنا پسندیدہ رنگ تو بتانا ہی بھول گیا۔ ۔ ۔ میرا پسندیدہ رنگ سبز یعنی ہرا ہے!۔ ۔ ۔ ویسے آپ کو بتانے کا فائدہ؟۔ ۔ ۔ آپ کو تو اپنے پسندیدہ رنگ سے مطلب ہو گا۔کیوں ٹھیک ہے نا!

سرخ (Red)
خطرے اور محبت کی علامت ہے۔سرخ رنگ پسند کرنے والے شوقین مزاج ہوتے ہیں۔زندہ دل ہوتے ہیں۔یہ لوگ آزادی کے خواہش مند ہوتے ہیں۔ہر وقت کچھ نہ کچھ کرتے رہتے ہیں۔ زندگی کو بھرپور طریقے سے انجوائے کرتے ہیں۔

سبز (Green)
امن کی علامت ہے۔ہرا رنگ پسند کرنے والے مہذب اور انسان دوست ہوتے ہیں۔ایسے لوگ دوسروں پر اپنی مرضی تھوپنے کی بجائے دلائل سے انھیں قائل کرتے ہیں۔ ایسے لوگ ہر کام مستقل مزاجی اور تندہی سے کرنے کے عادی ہوتے ہیں۔ ہمارے پیارے وطن پاکستان کے قومی پرچم کا رنگ بھی ہرا ہے۔

زرد (Yellow)
بعض لوگوں کے خیال میں زرد یعنی پیلا رنگ گہرے دُکھ اور مایوسی کی علامت ہے۔جبکہ بعض کے خیال میں یہ بہتر مستقبل کی خوشخبری دیتا ہے۔اس رنگ کو پسند کرنے والے افراد میں مشکل حالات کو برداشت کرنے اور مقابلہ کرنے کی جستجو پائی جاتی ہے۔

سفید (White)
محبت اور امن کی علامت ہے۔سفید رنگ پسند کرنے والے لوگ پاکیزہ خیالات کے مالک ہوتے ہیں۔ان کے مزاج میں دھیماپن اور بُردباری پائی جاتی ہے۔ایسے لوگ دوسروں کے ہمدرد اور خیرخواہ ہوتے ہیں۔

کالا (Black)
سوگ کی علامت ہے۔اس رنگ کو پسند کرنے والے کسی قدر پر اسرار ہوتے ہیں۔بڑے مشکل پسند اور چالاک ہوتے ہیں۔ایسے لوگ آپ کے متعلق تو ہر بات جان جائیں گے لیکن اپنے بارے میں کچھ نہیںبتائیں گے۔ایسے لوگ کھوج لگانے کی صلاحیت رکھتے ہیں۔ان میں سکون نام کی کوئی چیز نہیں پائی جاتی لیکن لوگوں پر یہ ظاہر کرتے ہیں کہ یہ بہت پر سکون ہیں۔

نیلا (Blue)
بڑی گہرائی اور وسعت کی علامت ہے۔اس رنگ کو پسند کرنے والے افراد دوسروں پر جلد ہی اعتماد کر لیتے ہیں۔خود بھی دوسروں کے اعتماد کو ٹھیس نہیں پہنچاتے ۔ایسے لوگوں میں تجسّس خوب پایا جاتا ہے۔یہ لوگ گفتگو بڑی دلچسپ کرتے ہیںاور بڑے گہرے خیالات کے مالک ہوتے ہیں۔ ایسے لوگ اپنے لباس کا اور خود اپنا بڑا خیال رکھتے ہیں۔

نوٹ:مندرجہ بالا تمام رنگ بنیادی یا Basicرنگ ہیں ۔باقی تما م رنگ انھیں رنگوں سے مل کر بنتے ہیں۔ اگر ان میں سے کوئی بھی رنگ آپ کا پسندیدہ نہیں ہے تو یہ دیکھیں کہ آپ کا پسندیدہ رنگ مندرجہ بالا کن رنگوں کا امتزاج ہے؟پھر ان رنگوں کے مندرجات کا مطالعہ کر لیں۔اس صورت میں آپ کی شخصیت دہرے رنگوں کی خصوصیات کی مالک ہوگی۔ ۔ ۔ ۔