ایک مرتبہ کسی جنگل کے قریب کوئی انگریز افسر خیمہ زن تھا۔ اس نے دیکھا کہ بہت سے سپیرے جنگل کی طرف چلے جا رہے ہیں۔ معلوم کروایا تو پتہ چلا کہ جنگل میں کلی ناس نامی سانپ رہتا ہے، جو نہایت خطرناک سانپ ہے۔اس کی پھنکار سے درخت جل کر کوئلہ ہو جاتے ہیں۔ بڑے بڑے سپیرے بلائے گئے ہیں لیکن یہ سانپ کے بل کے قریب جانے کی ہمت نہیں کر پارہے ہیں۔
اس انگریز آفیسر نے کہا۔۔۔۔یہ کوئی بڑا مسئلہ نہیں ہے۔۔۔۔تم لوگ ایسا کرو کہ اس کے بل کے ارد گرد لکڑیوں کا ایک ڈھیر جمع کر دو۔۔۔۔۔اس کےبعد بین بجاؤ تاکہ وہ بل سے باہر نکلے۔۔۔۔
سپیروں نے انگریز آفیسر کی ہدایت پر عمل کیا۔ سانپ باہر نکلا اور پھنکار ماری تو اس کے گرد رکھی لکڑیوں کے ڈھیر میں آگ لگ گئی، سانپ کے باہر نکلنے کا راستہ بند تھا چنانچہ وہ گھبرا کر اِدھر اُدھر پھنکار مارنے لگا۔۔۔۔۔اس حرکت سے اس کے گرد تمام لکڑیوں میں آگ لگ گئی اور وہ اپنی ہی لگائی ہوئی آگ میں جل مرا۔۔۔۔
انسان کا حال بھی کچھ ایسا ہی ہے، وہ اپنے اردگرد مال و دولت کے ڈھیر لگا کر اور اس پر حرص و طمع و ہوس کی آگ پھونکتا رہتا ہے، پھر ایک دن اپنی ہی لگائی آگ میں جل کر فنا ہو جاتا ہے۔۔۔۔!
تذکرہ غوثیہ سے اقتباس


اس موضوع سے متعلق مزید تحریریں۔۔۔
ابھی تک 8 قارئین نے تبصرہ کیا ہے
پتا ہے اس دنیا میں نیک کون ہے ؟
وہ جسے ابھی تک موقع نہیں ملا
دریں چہ شک
اللہ ہمیں حرص اور خودغرضی سے بچائے
بہت اعلی
لیکن بہت دن کے بعد نظر آئے آپ
خیریت تھی نا!!
باقی محاوروں کی بھی وجہء دریافت لکھنا شروع کر دو یار
مجھے یہ بہت پسند ہیں
اور روابط میں سے میرے بلاگ کا لنک کہاں نکال باہر کیا؟
سب حضرات کا اپنی قیمتی رائے دینے کا بہت بہت شکریہ!
آج کل تھوڑی مصروفیات کی وجہ سے پوسٹ میں دیر سویر ہوجایا کرے گی۔ اس “تکلیف” کے لئے معذرت!
السلام علیکم
شوبی صاحب آپ کے بلاگ کی تھیم مجھے بہت پسند آئی ہے۔ برائے مہربانی اس کا نام یا کوئی ربط تو بتا دیں۔ ۔ ۔
ولسلام
وعلیکم السلام عین لام میم صاحب!
جناب اس تھیم میں میرا کوئی کمال نہیں۔ اگر آپ اردو ٹیک ڈاٹ کام پر مفت بلاگ بناتے ہیں تو آپ کو یہ تھیم مفت مل جائے گی۔ اس تھیم کا نام wsCorvette Theme 1.0 ہے۔
براہِ کرم اس تحریر پر اپنی قیمتی رائے دینا مت بھولئے۔ شکریہ!
توجہ فرمائیے ۔ اگر آپ کا تبصرہ ابھی تک شائع نہیں ہوا تو اس کا مطلب ہے کہ منتظم نے آپ کے تبصرے کی اشاعت کی اجازت نہیں دی ہے ۔